Mujhe wo door apnay se kabhi hone nahein deta
Wo meri neend ka dushman mujhe soney nahein deta

Wo jis se piyar hota hai wohi humko rulata hai
Jo hum se piyar karta hai hamain roney nahein deta

Yeh sach hai main zamanay se alag gum sum sa rehta hon
Magar main aapko ankhon se gum hone nahein deta

Bicharte waqt tumne yeh kaha tha huns ke ji lena!
Tumhara beraham wada mujhe ronay nahein deta

Ajub ek kash makash main usney mujhko daal rakha hai
Wo mera hai magar apna mujhe honey nahein deta

Zamaney se alag sub se chupa kar dil main rakha hai
Khazana aapki yadon ka main khoney nahein deta

Khuda ne kuch na kuch Mutrib hamaray bus main rakha hai
Magar wo apni marzi ke bina honay nahein deta

Wo hosla hai ke jiski koi misal nahi
Thakan se choor badan hai magar nidhal nahi

Maza to jab hai hawa ho tumhare qabu main
Hawa ke dosh pe urna koi kamal nahi

Tumhari doosti shayad ke torde dil ko
Is ayene pe abhi tak to koi baal nahi

Sukun se hain yahn ahl e sabr hi warna
hawas naseeb jahan main kahin bahal nahi

sada rahenge sheedon ke sar buland ufaq
ye wo urooj hai jisko koi zawal nahi

Kaise Kahoon Apna Bana Lo Mujhe

Bahon Mein Apni Sama Lo Mujhe

Bin Tumhare Ek Pal Bhi Ab Kat-ta Nahi

Tum Aa Kar Mujhi Se Chura Lo Mujhe

Zindagi To Wo Hai Sang Tumhare Jo Guzre

Duniya Ke Gamo Se Ab Chuda Lo Mujhe

Ye Kaisa Nasha Hai Jo Behka Raha Hai

Tumhara Hoon Main To Sambhalo Mujhe

Na Jane Phir Kaise Guzre Gi Zindagi

Agar Apne Dil Se Kabhi Tum Nikalo Mujhe