Hamari Saanson Mein Aaj Tak Woh Heena Ki Khushbhoo Mehak Rahi Hai
Labon Pe Naghme Machal Rahe Hain
Nazar Se Masti Jhalak Rahi Hai

Woh Mere Nazdeek Aate Aate Hayaa Se Ek Din Simat Gaye They
Mere Khayalo-n Mein Aaj Tak
Woh Badan Ki Daali Latak Rahi Hai

Sadaa Jo Dil Se Nikal Rahi Hai Woh Sher-o-Naghmo-n Mein Dhal Rahi Hai
Ke Dil Ke Aangan Mein Jaise
Koi Ghazal Ki Dhaandhar Khanak Rahi Hai

Tadap Mere Beqarar Dil Ki Kabhi To Un-pay Asar Karey-gi
Kabhi To Woh Bhi Jalengay Isme
Jo Aag Dil Main Dahek Rahi Hai

Aaj Jaane Ki Zid Na Karo
Yunhi Pehlu Mein Bethey Raho
Haaye Mar Jaayein Ge
Hum To Lutt Jaayein Ge
Aisi Baatein Kiya Na Karo
Aaj Jaane Ki Zid Na Karo
Tumhi Socho Zara Kyu’n Na Rokein Tumhey
Jaan Jaati Hai Jab Uth Ke Jaatey Ho Tum
Tum Ko Apni Qasam Jaan-e-Jaa’n
Baat Itni Meri Maan Lo
Aaj Jaane Ki Zid Na Karo
Waqt Ki Qaed Mein Zindagi Hai Magar
Chand Gharriya’n Yahi Hain Jo Aazaad Hain
Inko Khho Kar Kaheen Jaan-e-Jaa\’n
Umr Bhar Na Tarastey Raho
Aaj Jaane Ki Zid Na Karo
Kitna Masoom Aur Rangeen Hai Yeh Sama
Husn Aur Ishq Ki Aaj Me\’raj Hai
Kal Ki Kis Ko Khabar Jaan-e-Jaa\’n
Rok Lo Aaj Ki Raat Ko
Aaj Jaane Ki Zid Na Karo

Ranjish Hi Sahi Dil Hi Dukhanay Kay Liye Aa

Aa Phir Say Mujhay Chor Kay Jaanay Kay Liye Aa
Ranjish Hi Sahi…

Pehlay Say Marasim Na Sahi Phir Bhi Kabhi To
Rasm-e-Rah-e-Duniya Hi Nibhaanay Kay Liye Aa
Ranjish Hi Sahi…

Ab Tak Dil-e-Khush Feham Ko Tujh Say Hain Umeedain
Yeh Aakhri Shamain Bhi Bujhanay Kay Liye Aa
Ranjish Hi Sahi…

Kis Kis Ko Batayen Gay Judai Ka Sabab Hum
Tu Mujhsay Khafa Hai To Zamaanay Kay Liye Aa
Ranjish Hi Sahi…

Ek Umar Say Hoon Lazzat-e-Girya Say Bhi Mehroom
Ay Raahat-e-Jaa’n Mujhko Rulaanay Kay Liye Aa
Ranjish Hi Sahi…

Kuch To Meray Pindar-e- Mohabbat Ka Bharam Rakh
Tu Bhi To Kabhi Mujhko Manaanay Kay Liye Aa
Ranjish Hi Sahi…

Maana Kay Mohabbat Ka Chupaana Hai Mohabbat
Chup Kay Say Kisi Roz Jataanay Kay Liye Aa
Ranjish Hi Sahi…

Jesay Tumhain Aatay Hain Na Aanay Kay Bahaanay
Aisay Hi Kisi Roz Na Jaanay Kay Liye Aa
Ranjish Hi Sahi…