Info: January 7, 2009 Posted by: Aamir 0 comments

Wo hosla hai ke jiski koi misal nahi
Thakan se choor badan hai magar nidhal nahi

Maza to jab hai hawa ho tumhare qabu main
Hawa ke dosh pe urna koi kamal nahi

Tumhari doosti shayad ke torde dil ko
Is ayene pe abhi tak to koi baal nahi

Sukun se hain yahn ahl e sabr hi warna
hawas naseeb jahan main kahin bahal nahi

sada rahenge sheedon ke sar buland ufaq
ye wo urooj hai jisko koi zawal nahi


Links: Trackback link Permalink RSS for comments
Del.icio.us Digg Technorati