Subscribe in a reader
(No Ratings Yet)
Loading ...Ye Naa Thii Hamaarii Qismat Ke Visaal-e-Yaar Hotaa
Agar Aur Jeete Rahte, Yahii Intazaar Hotaa
Tere Vaade Par Jiye Hum, To Ye Jaan Jhuuth Jaanaa
Ke Khushii Se Mar Na Jaate, Agar Aitabaar Hotaa
Koii Mere Dil Se Puuchhe, Tere Tiir-e-Niim Kash Ko
Ye Khalish Kahaa.n Se Hotii, Jo Jigar Ke Paar Hotaa
Ye Kahaan Kii Dostii Hai Ke Bane Hain Dost Naaseh
Koii Chaaraa Saaz Hotaa, Koii Gam Gusaar Hotaa
Kahuun Kis Se Main Ke Kiyaa Hai, Shab-e-Gam Burii Balaa Hai
Mujhe Kiyaa Buraa Thaa Maran Agar Ek Baar Hotaa
Hue Mar Ke Hum Jo Rusavaa, Hue Kyuun Na Gharq-e-Darayaa
Na Kabhii Janaazaa Uthataa, Na Kahiin Mazaar Hotaa
Ye Masaa-el-e-Tasavvuf, Ye Teraa Bayaan “Ghalib”
Tujhe Hum Vali Samajhate, Jo Na Baadah Khaar Hotaa
